બે ઘડી

પાંપણ ઢળેલી રાખતા બેઠા છીએ આ બે ઘડી

સૂરજ સળગતો રાખતા બેઠા છીએ આ બે ઘડી 

ધુમ્મસ ધુમાડા કાપતા , પહાડો નમાવી નાખતા

થાક્યા વિસામો આવતા, બેઠા છીએ આ બે ઘડી

આ બે ઘડી બેઠા છીએ તો માર્ગ પણ બેઠો અહીં

કે બેઉ સાથે હાંફતા બેઠા છીએ આ બે ઘડી 

બેસવાના નામ પર બેઠા છીએ હળવાશમાં

બોજો ઉતારી નાખતા બેઠા છીએ  આ  બે ઘડી

ક્યાં છે અહીં એકાંત કે યાદોને અવસર આપીએ?

ચહેરા જતા ને આવતા, બેઠા છીએ અ બે ઘડી

ફાટી ગઈ છે જિંદગી વહેતી હવાના મારથી

બે થીગડાંઓ મારતા બેઠા છીએ આ બે ઘડી