છેવાડાનો વાસી

 

દલિતનું એ માનસરોવર દલિતનું એ કાશી રે

ધબકારે ધબકારે રટવા નામ મળ્યું અવિનાશી રે

 

આંખોનું અજવાળું લાવ્યો મુક્તિના વિચારો રે

ગુંજે તેનો અક્ષર અક્ષર શ્વાસોનો એકતારો રે

મધદરિયેથી તાર્યા તેણે જન્મો લખચોરાશી રે

દલિતનું એ માનસરોવર દલિતનું એ કાશી રે

 

દુઃખને દરિયે સુખની નૌકા બંધારણનો ધારો રે

મૂકી દીધા કાગળ ઉપર મુક્તિના અવતારો રે

બંધારણ ઘડનારો એવું છેવાડાનો વાસી રે

દલિતનું એ માનસરોવર દલિતનું એ કાશી રે