કારણકે

 

 

આંખો ખુલ્લી તોયે લાગે છે ઠોકર

ઠોકર એવી આંખોથી દેખાય નહીં

હડસેલા આવે છે, એ જ નકારે છે

વિવશતા કેવી કે પડકારાય નહીં

 

કાલે ભીંતો રસ્તા વચ્ચે દેખાતી

કાલે રસ્તા એ રીતે અવરોધાયા

ભીંતો દૂર કરાવી સંવિધાને તો

ના દેખા દે એવા પથ્થર ખડકાયા

 

ઠોકર વાગી ને જ્યારે પટકાયા ત્યાં

દર્શાવાયો વાંક અમારાં પગલાંનો

જુઓ શીખ્યા છે કેવું ? શું કરશે આ

મોકો દેખાયો છે એવું કહેવાનો

 

યુગો આમ જ ભોગ બન્યા મારા લોકો

કારણકે તે છેવાડાના માણસ છે

કાપી લેવાં છે માથાં તો આજે પણ

કારણકે શમ્બૂક તણા એ વારસ છે