પ્રતિકાર

હોવાપણાનો ભાર નથી લાગતો હવે,

માણસ  હું બંધિયાર નથી લાગતો હવે.

ચર્ચાનો સૂર એ જ કે માણસ છકી ગયો ,

હા,આજ તાબેદાર નથી લાગતો હવે.

કાંતી રહ્યો છું એમ હયાતીનો રેંટિયો,

નક્કામો કોઈ તાર નથી લાગતો હવે.

આવી ગયો છું આજ સમયના પરિઘમાં ,

દ્રશ્યોની બહાર નથી લાગતો હવે.

જોઈ શક્યો મને હું યુગો સુધી,

દર્પણમાં અંધકાર નથી લાગતો હવે.

મેં શબ્દ સજ્જતાય ઉમેરી પ્રહારમાં ,

નિશસ્ત્ર પ્રતિકાર નથી લાગતો હવે.